Hierdie pragtige geillustreerde boek is onontbeerlik in enige kombuis. Dit is propvol wenke en inligting oor ‘n wye verskeidenheid van aspekte van die kookkuns. Dit verduidelik hoe om ‘n kombuis in te rig om dit so doeltreffend moontlik te laat funksioneer, en waarna om op te let by die aankoop van toerusting. Dit behandel die beplanning van ‘n gesonde dieet. Dit bied raad oor die aankoop, berging, bevriesing en bereiding van alle soorte voedsel. Boonop bevat dit verskeie watertand-resepte.

Koksmaat is ‘n moderne gids wat duidelik uiteengesit en besonder prakties is. Dit sal die taak vergemaklik van elkeen wat daagliks tyd in die kombuis moet deurbring.